si meldy at ang wetness indicator

3:30 pm. sweet siksikan sa tren. nakuha ni ate ang atensyon ko. tisay. maganda. pwede siyang kapatid ni Andi Eigenmann aka Galema bilang mukha naman siyang cobra sa kanyang hairstyle. char! seriously, pretty si ate. mukhang nang-aalipusta at ang hilig niyang laro ay siraan ng buhay. extra chos! puwesto siya sa pagitan ko at ng dalawang estudyanteng merlat. humawak si ate sa safety handrail upang hindi matumba habang umaandar ang tren. kapansin pansin ang maya't mayang pagtingin ng isa sa 2 estudyante kay ate. ang kaliwang kamay ang target ng mga mapanuring mata ng estudyante. sa basa at malagkit na kamay ni ate. syeeeet! pasmado si ate.

napansin ni ate ang mapanghusgang tingin ng estudyante ngunit na-master niya yata ang art of deadmatology. ngunit nang kanyang mapansin ang mga tingin ng estudyante na may halong pangungutya at pandidiri, hindi na nakapagpigil si ate at lumabas sa kanyang mapupulang mga labi ang linyang,

"Bakit? Ngayon ka lang nakakita ng pasmadong kamay? 'wag ka mag-alala, pag-uwi ko pupunasan ko agad 'to tapos tuyo na. eh ikaw? pag pinunasan mo kaya 'yang mukha mo, gaganda ka?"

ay syet! winona ryder! winner ang line. parang bet ko gayahin. gusto ko sanang kumapit sa handrail at ipakita ang basa kong kylie (kili kili) ngunit may pangamba akong baka hindi chaka ang pumuna sa akin kundi mga magaganda at gwapo kaya hindi effective ang line ni ate. at dahil sweldo naman, pwede kong hiramin ang linya ni teh anne curtis. parang ganito,

"so what? I can buy you, your friends and this train!!!"