happy foundation day!

matapos ang isa na namang masilimuot na biyahe ang naranasan ng mura at bubot kong shutawan sa lrt, matiwasay akong nakarating ng buendia. biglang nagkagulo ang mga tao. MAY MANDURUKOT DAW. sakal sakal ng isang malaking manong ang suspek habang ang biktima ay nakalabas na ng tren. tensyonado ang lugar. tinakbo ng biktima ang kinaroroonan ng guardenia dahil sumara na ang pinto ng tren, kelangang buksang mula ang mga pinto upang hulihin agad agad ang kawatan. napansin ko si ate sa gilid. busy ang loka sa pagre-retouch ng fez. dahil haggard ako sa biyahe, kelangan ko ng pampa-good vibes. nilapitan ko si ate. nagtanong ako.

AKO: ate, anu po bang nangyari.

ATE: (natulala muna ang bruha dahil nagulat sa interview portion ko.) may mandurukot daw.

AKO: oo nga po. ang tinatanong ko po kung anu nangyari after mo mag-foundation. may nagbago?

bago pa siya makapag-react at ma-imbierna. bonggang brisk walking papalayo at pababa ng istasyon na ang ginawa ko habang nakangisi. baka hindi lang nakawan ang naganap, baka may PATAYAN pang sumunod kung hindi ako magmamadali.